இந்நிலையில் முதலமைச்சர் கலைஞர் அவர்கள் 3.6.1973 முதல் அந்த கைரிக் ஷாக்கள் அனைத்தையும் ஒழித்துக் கட்டி கைரிக் ஷா உரிமையாளர்களுக்கு உரிய இழப்பீட்டை வழங்கியதுடன் அவர்களுக்கு இலவசமாக சைக்கிள் ரிக் ஷாக்களையும் வழங்கினார்கள்.
சமூகத்தின் அடித்தளத்தில் கிடந்து உழலும் சாதாரண சாமான்ய நடுத்தர மக்களின் நல்வாழ்வைக் குறித்தே எந்நேரமும் சிந்தித்து செயலாற்றும் தலைவர் கலைஞர் அவர்களின் சிந்தனையில் பூத்த புரட்சிகரமான திட்டம் இது. மனிதாபிமானத்துடன் கலைஞர் எடுத்த நடவடிக்கை இது. மனிதனை அமர்த்தி மனிதனே இழுக்கும் அவலத்துக்கு கலைஞர் முற்றுப்புள்ளி வைத்த நாள் இது.

சென்னை அண்ணாசாலையில் அமைந்துள்ள அரசினர் தோட்ட வளாகத்தில் அப்போதைய ராஜாஜி மண்டபத்தின் முன்பாக நடைபெற்ற அந்த வரலாற்று சிறப்புமிக்க விழாவில் சைக்கிள் கைரிக் ஷாக்களை தலைவர் கலைஞர் கரங்களிலிருந்து இலவசமாக பெறுவதற்கு வந்த பாட்டாளி தோழர்கள் அதற்கு முன்பாக தாங்கள் இழுத்து வந்த கைரிக் ஷாக்களை அரசிடம் ஒப்படைத்தது கண்கொள்ளாக் காட்சியாகும்.

சைக்கிள் ரிக் ஷாக்களை கழக அரசு ஒழித்ததின் நினைவாக அந்த கைரிக் ஷாவினை கலைஞர் அவர்கள் சென்னை எழும்பூரில் உள்ள அரசு அருங்காட்சியகத்தில் காட்சிப் பொருளாக வைத்ததையும் இவ்வேளையில் குறிப்பிடுவது பொருத்தமாக இருக்கும்.
தொழிலாளர்களின் உரிமைக்காக எந்நாளும் முழக்கமிடும் பொதுவுடமை இயக்கங்கள் ஆண்ட மேற்குவங்கத்தின் கல்கத்தா போன்ற பெரு நகரங்களில் கூட பல்லாயிரக்கணக்கானோர் இன்னமும் கைரிக் ஷாக்கள் இழுத்து பிழைப்பதை வழக்கமாக கொண்டுள்ளனர்.

குடிசை மாற்றுவாரியம்

சென்னையில் 30 ஆண்டுகளுக்கு முன்னால் சேரிகள் நிறைந்திருந்தன. துப்புரவு வசதிகள் இன்றி நோய்கள் தாக்கப்பட்டு சேரி மக்கள் துன்புற்றனர்.

எனினும் சேரி மக்கள் எவரும் “எங்களுக்கு மாடி வீடு கட்டித் தர வேண்டும்” என கோரிக்கை வைத்திடவில்லை. ஆனால் அவர்கள் கேளாமலேயே குடிசை மாற்று வாரியம் என்ற அமைப்பு இந்தியாவிலேயே தமிழகத்தில்தான் முதன் முதலாக திமுக ஆட்சியில் தொடங்கப்பட்டது.

661 கோடி ரூபாய் செலவில் 29 லட்சம் குடும்பங்கள் பயன்பெறும் வகையில் சமுதாயத்தில் ஏழை எளிய பிரிவினருக்கு இலவச எரிவாயு அடுப்பு இலவச எரிவாயு இணைப்பு திட்டத்தை தலைவர் கலைஞர் 14.1.2007 அன்று சென்னையில் தொடங்கி வைத்தார்.
3742 கோடியே 42 லட்சத்து 59 ஆயிரம் ரூபாய் செலவில் ஒரு கோடியே 72 லட்சத்து 80 ஆயிரம் குடும்பங்கள் பயன்பெறும் வகையில் 15.9.2006 அன்று அண்ணா பிறந்தநாளில் காஞ்சிபுரம் மாவட்டம் தண்டலம் எனும் ஊரில் உள்ள சமத்துவபுரத்தில் இலவச வண்ணத் தொலைக்காட்சி வழங்கும் திட்டத்தை கலைஞர் தொடங்கி வைத்தார்.

குழந்தைகள் உயிர் காத்திடக்கூடிய அறுவை சிகிச்சைக்கு 20 ஆயிரம் ரூபாயும், சாதாரண திறந்த அறுவை சிகிச்சைக்கு 50 ஆயிரம் ரூபாயும், கடினமான திறந்த அறுவை கிசிச்சைக்கு லட்ச ரூபாயும் என அரசு நிதி உதவி வழங்கப்பட்டது. 2.11.2007-ல் தொடங்கப்பட்ட இளம் சிறார் இருதய அறுவை சிகிச்சை திட்டம், 3.6.2008-ல் தொடங்கப்பட்ட பள்ளி சிறார் இருதய அறுவை சிகிச்சை திட்டம் ஆகிய இரண்டு திட்டங்களின் கீழ் 3,264 சிறார்க்கு 17 கோடியே 10 லட்சம் ரூபாய் செலவில் புகழ்வாய்ந்த 28 தனியார் மருத்துவ மனைகளின் மூலம் இருதய அறுவை சிகிச்சைகள் செய்யப்பட்டு குழந்தைச் செல்வங்களின் அரிய உயிர்கள் பாதுகாக்கப்பட்டுள்ளன.

கிராமப்புற ஏழைகளுக்கும் உடனடி மருத்துவ வசதி கிடைக்கச் செய்திட இ.எம்.ஆர்.ஐ. நிறுவனத்துடன் இணைந்து 445 ஊர்திகளுடன் கூடிய “ அவசர கால மருத்துவ ஊர்தி 108 சேவைத் திட்டம்” தமிழகம் முழுவதும் 15.9.2008-ல் நடைமுறைப்படுத்தப்பட்டது. இதனால் 8 லட்சத்து 8 ஆயிரத்து 907 பேர் பயனடைந்து உள்ளனர்.

உயிர் காக்கும் சிகிச்சைக்கான கலைஞர் காப்பீட்டுத் திட்டம் ஜூலை 2009 முதல் நடைமுறைப்படுத்தப்பட்டு அதனால் ஒரு கோடியே 34 லட்சத்து 3 ஆயிரத்து 328 ஏழை மக்களுக்கு 781 கோடியே 40 லட்சம் ரூபாய் செலவில் உயிர்காக்கும் அறுவை சிசிக்சைகள் செய்யப்பட்டுள்ளன.

இதய நோய், நீரிழிவு நோய், புற்றுநோய் போன்றவை பற்றிய விழிப்புணர்வை ஏற்படுத்தி உடற்பரிசோதனை செய்யும் “நலமான தமிழக திட்டம் “அறிமுகப்படுத்தப்பட்டது.

மருத்துவமனையில் சிசிச்சை பெற்று பலனின்றி உயிரிழந்தவர்களின் உடல்களை வீடுகளுக்கு எடுத்துச் செல்ல இலவசமாக அமரர் ஊர்தி சேவைத் திட்டம் கலைஞர் ஆட்சியில்தான் கொண்டு வரப்பட்டது.

இந்த திட்டத்தை தொடங்கியபோது தலைவர் கலைஞர் அவர்கள் அதற்கு ஒரு விளக்கம் தந்தார்கள். அதாவது அத்திமரம் அதன் கிளைகளிலும் காய்கள் காய்க்கும். அடிமரம், நுனி மரத்திலும் காய்கள் காய்க்கும். வேறு வேறு இடத்தில் காய்கள் காய்த்து உள்ளது என்பதற்காக நுனியில் காய்த்தது வெண்டைக்காய், அடுத்தது கத்தரிக்காய் என்று கூறமுடியாது அதுபோல் அனைவரும் மனிதர்களே, அவர்களில் ஏற்றத்தாழ்பு இல்லை என்று குறிப்பிட்டார்.

தாழ்த்தப்பட்டவர்கள், பிற்படுத்தப்பட்டவர்கள், மிகவும் பிற்படுத்தப்பட்டவர்கள், சிறுபான்மையினர் முதல் பிராமணர்கள் வரை அனைவரும் சமத்துவமாக சமூக நல்லிணக்கத்துடன் இந்த சமத்துவபுரங்களில் வசிக்க வேண்டும் என்பது சமுதாய புரட்சியினுடைய ஒரு மைல் கல். அந்த மகத்தான புரட்சியை தொடங்கி வைத்த சமுதாய சிற்பிதான் தலைவர் கலைஞர் என்பதை யாராலும் மறுக்கவோ மறைக்கவோ முடியாது.

பெரியாரைப் பின்பற்றி பேரறிஞர் அண்ணாவும் கலைஞரும் இந்த சமுதாயத்திற்காக தங்களால் முடிந்ததை செய்திருக்கிறார்கள்.

அந்த வகையில் கல்வி வேலைவாய்ப்பில் ஆதி திராவிடர்கள் மற்றும் பழங்குடியினர் மேலும் சலுகைகள் பெற்று தங்களை மேம்படுத்திக் கொள்வதற்காக அவர்களுக்கான இட ஒதுக்கீட்டினை 16 சதவிகிதம் என்றிருந்ததை 18 சதவிகிதம் என்று உயர்த்தியதோடு, பின்னர் பழங்குடியினருக்கென்று தனியாக 1 சதவீதத்தை ஏற்படுத்தி அந்த 18 சதவீதத்தையும் ஆதி திராவிடர்களே அனுபவிக்கச் செய்த பெருமை கலைஞருக்குண்டு.

ஆதி திராவிடர்களுக்கு 18 சதவிகிதம் என்றும் பழங்குடியினருக்கு 1 சதவிகிதம் என்றும் மொத்தம் 19 சதவிகிதம் இட ஒதுக்கீட்டுப் பலன்களை இப்போது அனுபவித்து வருகிறார்கள். இது ஏற்கனவே இருந்ததைவிட 3 சதவிகிதம் கூடுதல் என்பது குறிப்பிடத்தக்கது.

1974-ம் ஆண்டு திமுக ஆட்சியில் மதம் மாறிய சீக்கியர்களை 1956லும், புத்தமதம் சார்ந்த தமிழ் மக்களை 1990லிலும் பட்டியலில் சேர்த்து உரிமை வழங்கியது போல், கிறிஸ்துவ தலித் மக்களையும் பட்டியலில் சேர்த்து உரிமை வழங்கவேண்டும் என்றும், இதுசம்பந்தமாக நீதியரசர் ரங்கநாத் மிஸ்ரா ஆணைக்குழுவின் பரிந்துரைகளை ஏற்று இந்த உரிமைகளைப் பெறுவதற்கு தடையாக உள்ள 1950-ம்ஆம் வருடத்திய குடியரசு தலைவரின் ஆணையை நீக்க வேண்டும். என்றும் கலைஞர் வழங்கிய அறிவுரைகளின்படி நாடாளுமன்றத்தில் டி.ஆர.பாலு அவர்கள் நடுவண் அரசுக்கு கோரிக்கை வைத்தார்கள்.

பிற்படுத்தப்பட்டோருக்கு 30 சதவிகிதமாகவும் மிகவும் பிற்படுத்தப்பட்டோருக்கு 20 சதவிகிதமாகவும் இட ஒதுக்கீடு பகிர்ந்தளித்து கலைஞர் சாதனை

இட ஒதுக்கீடு 25லிருந்து 31 சதவிகிதமாக உயர்வு 1970-ம் ஆண்டில் கழக ஆட்சியில் பிற்படுத்தப்பட்டோர் நலனுக்காக இந்தியாவிலேயே முதன் முறையாக திரு.ஏ.என். சட்டநாதன் தலைமையில் கமிசன் ஒன்று அமைக்கப்பட்டது. இந்த கமிசனின் பரிந்துரையை ஏற்று பிற்படுத்தப்பட்ட வகுப்பினருக்கு கல்வி வேலைவாய்ப்புகளில் 25 சதவிகிதம் என்றிருந்த இடஒதுக்கீட்டினை 31 சதவிகிதமாக உயர்த்தி கலைஞர் ஆணையிட்டார்.

திமுகவின் கடுமையான எதிர்ப்பினால்தான் இடஒதுக்கீடும் தப்பியது; அது 50 சதவிகிதமாகவும் உயர்ந்தது.

1979-ல் அப்போது முதலமைச்சராக இருந்த எம்.ஜி.ஆர். அவர்கள் பிற்படுத்தப்பட்டோரில் 9 ஆயிரம் ரூபாய் வரை ஆண்டு வருமானம் உள்ளவர்களுக்கு மட்டுமே கல்வி வேலை வாய்ப்புகளில் இடஒதுக்கீடு வழங்கப்படும். என்று ஒருபுதிய சட்டத்தை இயற்றினார். திமுக அந்த அரசாணையை ஏற்கவில்லை; கடுமையாக எதிர்த்தது.

இந்நிலையில் அப்போது 1980-ல் நடந்த பாராளுமன்ற தேர்தலில் எம்.ஜி-ஆர். அவர்கள் படுதோல்வி அடைந்தார். 2 இடங்களில் மட்டுமே வெற்றிபெற முடிந்தது. வேறுவழியின்றி பிற்படுத்தப்பட்டோருக்கு எதிரான வருமான உச்சவரம்பு சட்டத்தை எம்.ஜி-ஆர். அவர்கள் திரும்பப் பெற்றதோடு அவர்களுக்கான இடஒதுக்கீட்டினை 31 சதவிகிதத்திலிருந்து 50 சதவிகிதமாக உயர்த்தியும் உத்திரவு பிறப்பித்தார். என்பது வரலாறு. திமுகவின் கடுமையான எதிர்பினால்தான் இடஒதுக்கீடும் தப்பியது; அது 50 சதவிகிதமாகவும் உயர்ந்த்து

பிற்படுத்தப்பட்டோருக்கு 30 சதவிகிதமாகவும், மிகவும் பிற்படுத்தப்பட்டோருக்கு 20 சதவிகிதமாகவும் உள் ஒதுக்கீடு வழங்கி கலைஞர் ஆணை.

பிற்படுத்தப்பட்டோருக்கென்று மொத்தமாக அனுமதிக்கப்பட்டிருந்த 50 சதவிகித இடஒதுக்கீடு என்பது இனி பிற்படுத்தப்டோருக்கு 30 சதவிகிதமாகவும் மிகவும் பிற்படுத்தப் பட்டோருக்கு 20 சதவிகிதமாகவும் புதுவடிவம் பெற்றது.

தமிழக சட்டசபையில் காங்கிரஸ் உறுப்பினர் பீட்டர் அல்போன்ஸ், பா.ம.க.உறுப்பினர் கோ.சு.மணி, தமிழக ஆயர் பேரவையின் தலைவர் ஏ.எம்.சின்னப்பா ஆகியோரது கோரிக்கையினை ஏற்று கிறிஸ்தவ வன்னியர்களை பிற்படுத்தப்பட்டோர் பிரிவில் சேர்த்து கலைஞர் உத்திரவு பிறப்பித்தார்கள்.

கொங்கு வேளாளர் இனம் முற்பட்ட வகுப்பில் வைக்கப்பட்டுள்ளது. இதனை பிற்படுத்தப்பட்டோர் பட்டியலில் சேர்க்க வேண்டும் என்று கோவை செழியன் கோரிக்கை வைத்திருந்தார். அவரது கோரிக்கையை ஏற்று 1975-ல் முதல்வர் கலைஞர் அவர்கள் அதற்கான உத்திரவை பிறப்பித்தார். அதனால் அந்த இனம் இன்றைக்கு கல்வி வேலைவாய்ப்புகளில் கூடுதல் பலன் பெற்று வருகிறது.